ვინ არის Agile ბიზნეს ანალიტიკოსი

ბიზნეს ანალიტიკოსის (BA) როლი ყოველთვის კრიტიკულად მნიშვნელოვანი იყო  და ასე რჩება Agile-შიც.

ბიზნეს ანალიტიკოსები ბიზნესისა და ტექნოლოგიის დამაკავშირებელ ხიდს წარმოადგენდნენ მანამდეც, სანამ Agile მიდგომები გაჩნდებოდა. მათი მთავარი დანიშნულება ყოველთვის იყო მომხმარებლის საჭიროებების ღრმა ანალიზი, პროცესების ოპტიმიზაცია და პროდუქტის რეალური ღირებულების შექმნა.

Agile მეთოდოლოგიის გავრცელებასთან ერთად, BA-ის როლი არ გამქრალა, ის გარდაიქმნა. Agile BA ეხმარება გუნდის წევრებს, შეამცირონ გაურკვევლობა, მიიღონ უკეთესი გადაწყვეტილებები და მაქსიმალურად მოახდინონ ბიზნეს ღირებულების გენერირება.

---

Agile BA-ის როლი მოიცავს სამ ძირითად მიმართულებას:

პირველი: მომხმარებლის საჭიროებების გაანალიზება და ბიზნეს ღირებულების ფორმულირება

Agile BA მუშაობს Product Owner-თან და ბიზნესის წარმომადგენლებთან, რათა გაიგოს:

• რა პრობლემის გადაჭრა სჭირდება მომხმარებელს?

• რატომ არის ეს პრობლემა მნიშვნელოვანი?

• როგორ შეიძლება ტექნოლოგიური გადაწყვეტა ბიზნესის მიზნებთან შესაბამისობაში მოიყვანოს?

Agile BA არ შემოიფარგლება მოთხოვნების ფორმალურ აღწერით. იკვლევს ბიზნეს კონტექსტს, აგროვებს მონაცემებს, აანალიზებს ბაზრის ტენდენციებს და მომხმარებლის ქცევას, რათა გუნდს ზუსტი მიმართულება მისცეს.

მეორე: გუნდთან და ბიზნეს წარმომადგენლებთან ეფექტური კომუნიკაციის უზრუნველყოფა

Agile BA ბიზნესისა და ტექნიკური გუნდის დამაკავშირებელია. მისი მთავარი ამოცანაა, რომ:

• ბიზნეს წარმომადგენლებს "გადაუთარგმნოს" ტექნიკური დეტალები მარტივ ენაზე

• დეველოპერებს მიაწოდოს ზუსტი ინფორმაცია იმის შესახებ, თუ რა ღირებულება აქვს მომხმარებლისთვის ამა თუ იმ ფუნქციონალს

• განმარტოს გუნდისთვის ბიზნესის საჭიროებები, რათა თავიდან იქნას აცილებული გაუგებრობები

მესამე: პრიორიტეტიზაცია და გადაწყვეტილებების მიღების მხარდაჭერა

Agile-ში ყველაფრის ერთდროულად გაკეთება შეუძლებელია. აქედან გამომდინარე, Agile BA გუნდის მენტორია პრიორიტეტების სწორად განსაზღვრაში.

• განსაზღვრავს რომელი მოთხოვნა ქმნის ყველაზე დიდ ბიზნეს ღირებულებას

• ეხმარება Product Owner-ს Backlog-ის პრიორიტეტიზაციაში

• უზრუნველყოფს, რომ გუნდის მიერ შესრულებული სამუშაო მართლა მოაქვს შედეგი და არ არის „ფუნქციონალისთვის ფუნქციონალი“

---

Agile გუნდს მართლა სჭირდება BA?

ზოგი ფიქრობს, რომ Agile გუნდში BA-ის ფუნქციებს Product Owner (PO) ან დეველოპერები შეითავსებენ.

თუმცა რეალობა აჩვენებს, რომ Agile BA-ის როლი შეუცვლელია, განსაკუთრებით მაშინ, როდესაც გუნდს სჭირდება ძლიერი ანალიტიკური მიდგომა და ბიზნესთან მჭიდრო კავშირი.

Agile BA არ ცვლის Product Owner-ს ან დეველოპერებს, არამედ მათთან ერთად ქმნის ოპტიმალურ ეკოსისტემას, სადაც გადაწყვეტილებები უფრო სწრაფად და ხარისხიანად მიიღება.

როგორ უნდა მოერგოს BA Agile გარემოს?

თუ ტრადიციული ბიზნეს ანალიტიკოსი ხარ და Agile-ში გადასვლა გინდა, საჭიროა სხვადასხვა ტექნიკებთან ერთად, შეცვალო მიდგომები.

• შეიცვალე მაინდსეტი:  Agile BA არ არის მხოლოდ მოთხოვნების შემგროვებელი. ის სტრატეგიულად აზროვნებს, ეძებს ღირებულებას და არ ეშინია ცვლილებების.

• მიეჩვიე უწყვეტ კომუნიკაციას: Agile BA არ უნდა ელოდოს ოფიციალურ შეხვედრებს. ის ყოველდღიურად უნდა მუშაობდეს გუნდთან და მომხმარებელთან.

• ისწავლე ლაითვეით მიდგომები: Agile-ში გრძელ დოკუმენტებსა და ფორმალურ ანგარიშგებებს მოკლე, კონკრეტული და ვიზუალური მიდგომები ანაცვლებს.

• იყავი მომხმარებელზე ორიენტირებული: Agile BA-ის მთავარი ამოცანაა მომხმარებლისთვის ღირებულების შექმნა და არა მხოლოდ ტექნიკური სპეციფიკაციების აღწერა.

Agile BA-ისთვის აუცილებელი უნარები

Agile BA-ს ტექნიკური ცოდნაც სჭირდება და ძლიერი კომუნიკაციის უნარებიც. თუ ამ როლზე გადასვლა გინდა, უნდა განავითარო:

• ბიზნესის გაგება – როგორ მუშაობს კომპანიები, როგორ ქმნიან ღირებულებას და როგორ იღებენ გადაწყვეტილებებს

• მონაცემთა ანალიზი – როგორ შეაფასო მონაცემები და მათი გამოყენებით მიიღო ინფორმირებული გადაწყვეტილებები

• პრიორიტეტიზაციის უნარები – როგორ დაადგინო, რა უნდა გააკეთოს გუნდმა პირველ რიგში

• კომუნიკაცია და ფასილიტაცია – როგორ ჩაატარო ეფექტური შეხვედრები და მოიზიდო გუნდის წევრები საერთო მიზნისკენ

• Agile პრინციპები და მეთოდები – როგორ მუშაობს Scrum, Kanban და Lean