OKR ანატომია

OKR (Objectives and Key Results) Framework ორგანიზაციული მიზნების დასახვის საკმაოდ გავრცელებული მიდგომაა, რომელსაც ორგანიზაციის Agile ტრანსფორმაციის პროცესში აუცილებლად ვნერგავთ ხოლმე.

OKR-თან დაკავშირებით, ასევე ბევრი მცდარი წარმოდგენა არსებობს, რომლის ჩამოთვლაც ახლა ალბათ ძალიან შორს წაგვიყვანს, მაგრამ ყველაზე მნიშვნელოვანი არის ის, რომ OKR Framework-ის უპირველესი დანიშნულება არის ორგანიზაციული მიზნების გარშემო ყველა თანამშრომლის გაერთიანება, მიზნების გამჭვირვალობა და დაელაინება. ამ კონკრეტულ საკითხებზე რამდენიმე სხვა პოსტიც მაქვს დაწერილი.

• ორგანიზაციული მიზნების დასახვის OKR Framework

• 3 ნიშანი, როდესაც ორგანიზაციას OKR ჭირდება

• რა განსხვავებაა OKR და KPI შორის

დღეს მინდა გესაუბრო უფრო ტექნიკურ დეტალებზე, კერძოდ რისგან შედგება OKR Framework.

ნაწილი 1 - საიდან იწყება OKR ანატომია

პირველი ეტაპი საიდანაც იწყება OKR-ების დასახვა არის პრინციპი Top to bottom, ანუ ორგანიზაციული მიზნებს სახავენ ხელმძღვანელები. ამით, ისინი ამბობენ რა მიმართულებით უნდა წავიდეს ორგანიზაცია.

ორგანიზაცია სახავს შესაბამის Objective-ებს.

ორგანიზაციული Objective-ები ზიარდება სხვადასხვა მიმართულების ხელმძღვანელებთან და გუნდებთან, რომლებიც თავის მხრივ სახავენ ისეთი ტიპის Objective-ებსა და Key Result-ებს, რომლის შესრულებიც შემთხვევაშიც სრულდება ორგანიზაციის დონის Objective-ები.

ნაწილი 2 - რას ნიშნავს Objectives და Key Results

OKR შედგება მიზნისგან (Objective), რომელიც ამბობს, თუ რისი მიღწევა გვსურს და ძირითადი შედეგებისგან (Key Results), რომელიც ასახავს პროგრესს მიზნის მიღწევისკენ. . ყველა KR შესრულების შემთხვევაში ჩაითვლება, რომ მიზანი (Objective) მიღწეულია.

სასურველია, რომ ერთი კვარტლისთვის განისაზღვროს არაუმეტეს 3 Objective-ისა. თითოეული Objective-ის ქვეშ მოცემული Key Result- ები არ უნდა აღემატებოდეს 3-5.

ნაწილი 3 - რა უნდა იცოდე და როგორ უნდა დაწერო Objective ეფექტურად

რა უნდა იცოდე Objective-ების შესახებ:

• Objective უნდა გულისხმობდეს გაუმჯობესებას, ზრდას, ცვლილებას, ინოვაციურობას და ა.შ. Objective აუცილებლად უნდა იყოს კვარტლის ფოკუსირების სფერო, ანუ რეკომენდებულია ჩამოყალიბდეს და შესრულდეს ერთ კვარტალში.

• Objective-ში ნათლად უნდა ჩანდეს, თუ რა პრობლემას წყვეტ მომხმარებლებისთვის, კლიენტებისთვის და/ან რომელი კონკრეტული მაჩვენებელი (შემოსავალი, კლიენტები და ა.შ.) იზრდება დასახული მიზნების შესრულების შემთხვევაში.

• გაითვალისწინე, რომ Objective იყოს: მნიშვნელოვანი, რეალისტური, მიღწევადი, კონკრეტული, მოქმედებაზე ორიენტირებული, ამბიციური, ინსპირაციული.

როგორ უნდა დაწერო Objective ეფექტურად?

• Objective უმჯობესია იწყებოდეს შემდეგი სიტყვებით: გაუმჯობესება, ზრდა, გაფართოება, გენერირება, შემცირება, მიღწევა, დანერგვა, მოზიდვა, აქტივაცია, გაშვება, მხარდაჭერა.

იმისათვის, რომ შექმნა ეფექტური Objective-ები, პასუხი უნდა გასცეს შემდეგ კითხვებს:

• გუნდის მიზნის მიღწევით მიიღწევა ორგანიზაციის მიზანი?

• რატომ გვაქვს ეს მიზანი? არის თუ არა ეს მიზანი ჩვენთვის ძალიან მნიშვნელოვანი? მოაქვს კომპანიისთვის ღირებულება?

• რისი მიღწევა გვინდა?

• რამდენად ამბიციურია ჩვენი მიზანი?

• რა შეგვიძლია შევქმნათ, გადავჭრათ, გამოვასწოროთ, ან გავაუმჯობესოთ, რომ ვიყოთ უფრო მეტად წარმატებული?

• რა გვაფერხებს?

• არის მიზანი მიღწევადი მხოლოდ ჩვენს გუნდის მიერ?

• აგვარებს თუ არა ჩვენი გუნდის გამოწვევას მიზნის მიღწევა?

ნაწილი 4 - როგორ უნდა დაწერო ეფექტურად Key Result

KR უნდა იყოს: კონკრეტული, დროში შემოსაზღვრული, გაზომვადი, შემოწმებადი Key Result პასუხობდეს შემდეგ კითხვებს:

• აღნიშნული შედეგის დადგომის შემთხვევაში იქნება მიზანი შესრულებული?

• არის შედეგი გაზომვადი და შემოწმებადი?

• არის შესაძლებელი შედეგის ერთ კვარტალში მიღწევა?

• რა შემთხვევაში ჩავთვლით გაწეულ ძალისხმევას გამართლებულად?

• როდის ვიქნებით კმაყოფილები?

ნაწილი 5 - OKR შაბლონები

HR OKR შაბლონი: Objective: გვქონდეს საუკეთესო რეკრუტინგის პროცესი

• KR1: კანდიდატის აყვანა მოხდეს 3 ინტერვიუს ნაცვლად 1 ინტერვიუში

• KR2: შევამციროთ დარეჯექტებულ კანდიდატებთან უკუკავშირის დრო 2 დღიდან 1 დღემდე

Tech OKR შაბლონი: Objective: გვქონდეს საუკეთესო ხარისხი დანერგვის პროცესში

• KR1: შევამციროთ დანერგვის დრო 2 საათიდან 30 წუთამდე;

• KR2: გავზარდოთ Code unit test-ების დაფარვა 50%-დან 80%-მდე;

• KR3: შევამციროთ დანერგვის შემდგომი Bug-ები 10 დან 5 მდე;

• KR4: გავზარდოთ საინტეგრაციო სერვისების დაფარვა 20%-ით;

• KR5: 100%-ით დავფაროთ ავტომატური რეგრესული ტესტირება;